So peoples, dis is Crop Over again. I did enjoy talkin’ wid wunnuh last year an’ I hope wunnuh did feel de same way bout me. It is good talking wid all muh fans pun de world wide web, and I hope wunnuh keep in hey hot enough again dis year! Wunnuh tink I easy? Iffin God spare life an’ nuttin don’ change, I gine share some blows wunnuh hear. Leh we get de blog going for 2009!
Wunna could believe that time coulda fly so fas’, doh? Lookuh, it feel like yesterday dat I start talkin’ wid wunnah. As my dear old mongoose mudda used to say, doh, everyting good does come to a en’.
+1
... written by Norman Parris g,
May 26, 2009
One o’ de people I really happy fuh dis Crop-Over is Natahlee. She come in high in Party Monarch an’ Tune O’ De Crop and big-up fuh dat. Wuh really impress me is dat she write de song sheself. Lissen, outside o’ Jamaica nuhbody don’ sit dung pun a riddim like Nat-Nat, hear?
I suspec’ she din suh confident in she writing skills but I hope she know now dat she could do it. Well done, girl.
An lissen, tell yuh frien’ TC dat yuh got to look a certain way to unbutton yuh shirt in front nuff people. She do it at Soca On De Hill den again at Cohobblopot.
Is true dat Shadow back he shirt an’ show he belly at de Hill but nuhbody en care bout dat. He is Shadow an’ he could do anyting.
As Chris Rock say, when yuh is 20, yuh titties is community titties yuh could share wid everybody, but when yuh reach a certain age, yuh titties is fuh private showing only.
TrackBack URI for this entry
Subscribe to this comment's feed
Lookuh, it feel like yesterday dat I start talkin’ wid wunnah.
As my dear old mongoose mudda used to say, doh, everyting good does come to a en’.